Author:
Figulus, Wolfgangus
Title:
Volfgangi Figuli Nuburgani De Musica Practica Liber Primus
Editor:
Massimo Redaelli
Source:
Bologna, Museo Internazionale e Biblioteca della Musica, MS B.70,
f.<1r>-<47r>
[-f.<1r>-]
[133 m. sec.] VOLFGANGI
FIGVLI
NVBVRGANI DE MVSICA PRACTICA
LIBER
PRIMVS.
GVIDONIS
Aretini dialogus de dimensione Monochordi, ex uetustissimis
exemplaribus descriptus, et collatus ab eodem diligintissime adjectis
primi libri brevissmis, rudimentis.
Noribergae.
MDLXV.
Cum
Priuilegio ad decennium.
[-f.<2r>-]
Prudentissimo et Ornatissimo Senatorio ordini Reipublicae Libensis,
antiquae urbis superioris Lusatiae, Dominis et Patronis suis Salutem
Dicet Vvolfangus Figulus Numburganus.
Pythagoram
philosophum artis Musicae inuentorem dixisse ferunt, caelestium
corporum motus harmonias efficere dulcissimas, uerum non exaudiri ab
hominibus, quia propter consuetudinem negligantur. Id nunc bonis
artibus, praesertim ijs quae minus quaestuosae habentur, accidit. Nam
etsi diuino beneficio conseruatae, hominumque industriorum diligentia
et labore quasi faces extinctae, subinde excitatae sint, tamen multis
[a 2 infra textum] [-f.<2v>-] ut dicitur, ne asse quidem charae
esse uidentur. Atqui cum singulae de immensa ac infinita natura,
conditrice rerum omnium nos commonefaciant, humanas mentes de Opifice
et archetypo suauissimis Musicae numeris multo magis confirmari
certum est. Et homini non prorsus amuso nihil magis admirandum, quam
conuenientia et consonantia diuersorum et dulcissimorum sonorum, qui
à Deo pro ipsius diuina
sapientia ita constituti et ordinati sunt, ut aliqui suaui harmonia
mentes aurésque hominum
capiant, afficiant, et ad uarias adfectus traducant, alij uero
prorsus laedant, offendantque. Neque ulla magis admiranda
[sympatheia], quam Musicae cum harmonia potentiarum animae, quae adeo
mirabili sapientia et arte connexae copulatáque
sunt, ut inferiores à
superioribus regantur. non aliter ac [-f.<3r>-] soni
inferiores, medij et supremi, ab eo qui est neruus primus, caput uel
Basis [proslambanomene] reliquorum, regi solent. Ideoque non propter
finem aliquem in uita humana utilem in precio habendam, sed quia
diuinitus monstrata, et aptissimò
ad corporis humani exaedificationem quadret, magnifa<c>endam,
expetendam, discendam artem Musicam, sapientes censebant, ipsi Deo
gratam, reipublicae fructuosum, et singulis utile esse. Nec dubium
est, eos, quorum aures à Musica sunt alienae et abhorrentes, aut
seipsos homines esse ignorantes, aut immanissima barbarie uexari.
Refert Plutarchus hominis cuiusdam uel monstri potius, Scythiarum
regis, de harmonia uocem, apud suae gentis incolas improbatam, homine
indignissimam, cum se magis hinnitu equorum, quàm rerum uocumque [a
3 infra textum] [-f.<3v>-] concordia affici dixisset. Cui non
dissimiles uidentur ij, qui de canendi arte Musica nostro tempore
insuauiores uoces proferunt, quibus è manibus puerorum artem ipsam
excutiunt, et quam ipsi ignorant. Cum uero autem ipsam, donum à Deo
datum, amplecti et fouere homines sanos deceat, ueterum Musicorum
numeros, et praecepta ex numeris deducta, in usum studiosorum ego
collegi, et duas partes, in quibus ars canendi consistit, annotaui,
quarum altera est uocis, de accentus grauitate et acumine, de
remissione et intensione sonorum agens, quae omnia quamuis cum
[phonaskia] communia habeat ars Musica, tamen non cura eadem Musicis
quae Phonascis conuenit, cum non ex actionum, oculorúmque sensu ut
illa, sed aurium iudicio probetur. Altera [-<f.4r>-] de figura
formam, modum, numerum, et ordinem sonorum demonstrat, non aurium sed
rationis iudicio indicatur. Quemadmodum enim non numeri, sed
extremitates collationum, consonantias Musicas gignunt, ita non soni
tantum, sed figurae sonis iunctae concentum sonorum efficiunt. Nam in
his partibus Musicae dijudicandis sensum et rationem concurrere
oportet. Hanc operam meam, Viri ornatissimi, prudentissimo ordini
uestro dedicare uoluit. Nam cum ante annos feré 20. in schola uestra
urbis munus instituendi pueros liberaliter à uobis oblatum
subiuerim, et curam canendi primus sustinens, collega adjunctus
clarissimo uiro Hieronymo Nosticio, Musicae praecepta iuuentuti
uestra proposuerim, et fideliter docuerim, non ingratam fore uobis
animi et uoluntatis [a 4 infra textum] [-f.<4v>-] meae
significationem confido. Bene ualete. Deus gubernet uos, et dirigat
consilia uestra ad gloriam nominis sui. Ex ludo illustri Misenae 8.
Calendis Aprilis Anno LXV.
[-f.<5r>-]
Tabula quaestionum Musicae practicae Libri Primi.
Concinnitas
sonorum quomodo fit.
Musicae
studiosi quales.
Musica
quibus disciplinis cognata.
Musica
quid.
Musica
practica quid.
Practicae
Musicae partes quot.
[Phthonga]
sonus quid.
[harmonia]
consonantia quid.
[diastema]
Modus quid.
[melopoiia]
modulatio quid.
Musica
simplex quid.
Musica
figuralis quid.
Musica
uocalis quid.
Uox
in Musica uid.
Uox
in quibus clauibus consistat.
Claue
quot
Clauium
discrimen e compositio.
Canendi
partes quot.
Mediae
claues quae.
Mediae
uoces quae.
Mediae
parte quae
[
a 5. infra textum]
[-f.<5v>-]
Extrama quae.
Multiplex
quid.
Superpartiens
quid.
Multiplex
superparticulare
Multiplex
superpartiens quid.
Arithmetica,
Geometrica, Musica medietas.
Interualla
usitata quae.
Parallelae.
Systema
quotuplex.
Melodiae
tonorum quot.
Figura
quid.
Figura
in quibus consistat.
Figurarum
notae quot.
Mensurae
imperfectae quid.
Dimensio
notularum quid.
Notae
simplices et compositae.
Notularum
gradus uel ordines quot.
Graduum
signa.
Signorum
numeri.
Punctus
quid.
Puncta
quot.
Accidens
Mensurae et figurarum
Alteratio
quid.
Imperfectio
quid.
Designatio
notularum quid.
[-f.<6r>-]
Canon
in Musica quid.
Proportio
in notulis quid.
Monochordon
quid.
Monochordi
forma.
Monochordi
quis usus.
Monochordi
quot numeri.
[a
6 infra textum]
[-<f.6v>-]
VOLFGANGI Figuli Numburgani de Musica Practica liber Primus.
Concinnitas
sonorum, quae fit ex graui et acuto, aut instrumentorum agitatione
perficitur aut uocis humanae intensione exprimitur. Hanc facultatem
accentuum bene canendi artem uel scientiam [mousiken] nominant, quo
uocabulo litterarum humanitatem, et studium ingenuorum hominum uates
significabant. Et [mousas] praesides humanarumlitterarum, Musicaéque
dicebant, quas Uirgines eam of causam esse quod studio Musico
deditos, oportere uerecundos, modestos, graues, ab omni obscenitate,
impudentia et leuitate, alienissimos esse censebant. Vt autem Musae
mutuo sese tenent et conplactuntur, ita disciplinae omnes inter se
quasi uinculo copulatae connexaeque sunt, estque Musica cum numerandi
scientia ita coniuncta, et cognata, ut quidam Arithmeticam uocalem
Musicam apellare non dubitent. [-f.<7r>-] Practica autem Musica
duplex est, Choralis, quae aequalitatem prolationis seruat in
notulis. Dicitur Graegoriana ab excultore, simplex à
notularum aequalitate, Choralis à
multitudine canentium, uel à
choro. Chorus instrumentum Musicum ut scribit Diuus Hieronymus ad
Dardanum. Figuralis uel Mensuralis, quae pro diuersa ratione
numerorum corripit et producit nutlas. A figuris et temporis mensura
nomen accepit. Utraque autem constat quatuor partibus.
[pthongo].
Sono.
[harmonia].
Consonantia.
[diastemati].
Modo.
[melopoiia].
Modulatione.
DE SONO.
Quanti
in Arithmetica [Monas], tanti in Musica est [pthongos], under
Ptolomeus, sicuti numeri unitas, lineae punctum, momentum temporis,
ita Harmoniae principium est sonus. Quia uero scribi non possunt soni
ad significandos et dicendos, utuntur Musici parallelis figuris, quae
omnia complectitur cujusque canendi systema. Uoco autem systema [a 7
infra textum] [-f.<7v>-] hoc loco quinque lineas, quibus
melodia scribitur. Uoces autem quaedam sunt syllabae sonorum et in
canendo soni uocum interuallorum adminiculo exprimuntur,
interuallorúmque soni per
musicales syllabas, sillabae per notulas proferuntur.
DE ARMONIA.
Harmonia dulcis sonorum in unum
redacta concordia. Sunt autem secundum ueterum et probatorum
musicorum sententiam tres consonantiae, ex ordine diastematum, unde
prouerbium: tres consonantiae, sicut tres gratiae. Hae perfectae et
simplices dicuntur, propter alias ex reiteratione ortas, quae his
tamquam mediae miscentur. Ut enim unisonus, quamuis reliquorum
fundamentum, interuallum non est, ita nec numerus unus interuallum,
ne consonantiam efficit, nisi ad alium relatus fuerit. Equidem uarias
collationes inter se efficiunt numeri, quae omnes ad musicam non
faciunt, pauci enim ex certo proportionum genere consonantias creant.
Proportionum uero genera quinque, tria simplicia, duo composita.
[-f.<8r>-]
Simplicia
I Multiplex.
II Superparticulare.
III Superpartiens.
Composita.
IIII Multiplex superparticulare.
V Multiplex superpartiens.
Musicae consonantiae sunt ex genere
multiplici et superparticulari. Dicitur autem multiplex numerus, qui
ad alium comparatus minorem se, totum non semel, sed aliquoties
continet, ut bis, ter, quater, quinquies. Superparticularis, qui ad
minorem relatus, ipsum quidem totum semel, et insuper unam aliquotam
illius partem. Unde si aliquota fuerit cuiuspiam dimidium, numerus
sesquialter, si tertia, numerus sesquitertius, si quarta,
sesquiquarta proportio denominabitur.
III Consonantiae simplices
[diplasios] [dia pason]
[hemiolios] est [dia pente]
[epitritos] [dia tessaron]
In Musica practica hi numeri et
consonantiae, [-f.<8v>-] à
uocum, Syllabarum, et terminorum distantia nominantur.
Octaua.
Quinta.
Quarta.
II. Consonantiae compositae.
[triplasios] [dia pason.]
est
[tetraplasios] [dis diapason]
[dia pente]
In practica propter uocum et
terminourm distantiam nominantur
Decimaquarta.
Decimaquinta.
DE MEDIETAtibus numerorum.
Arithmetica habet aequas
differentias, ut in dupla proportione exemplum hoc modo demonstrat.
[Figulus, De musica practica, <8v>;
text: Differentiae. 1, 2, 3, dupla, sesquialtera]
[-f.<9r>-] Geometrica aequas
proportiones habet, in utriusque inequales differentias.
[Figulus, De musica practica, <9r>,1;
text: Differentiae. 1, 2, dupla]
Musica summos terminos differentijs
habet aequales proportione aequa, ut in hac figura.
[Figulus, De musica practica, <9r>,1;
text: Differentiae. 1, 2, 3, 4 [2 ante corr.], 6, dupla.]
De Diastemate.
Diastema est uocis spacium, uel ut
Boëthius, est grauis
acutíque soni distantia,
estque illud quod omittitur ab una notula ad aliam penes [arsin kai
thesin]. Et sunt duplicia; Vsitata, minus usitata. [b infra textum]
[-f.<9v>-] Usitata sunt.
I. Tonus.
II. Semitonuium.
III. Ditonus.
IIII. Semiditonius.
V. Diatessaron.
VI. Diapente
VII. Semitonium diapente
VIII. tonus diapente
IX. Diapason
Minus usitata.
I. tonus diapasson
II. Semitonium diapasson.
III. tritonus.
IIII. Semidiapente.
V. Semidiapasson.
Porro in quolibet systemate tria
animaduertenda, uox, interuallum, species. Consonantia autem
diastemata, semper unam speciem minus habent, quam illius sunt uoces:
ut Diatessaron.
IIII. Voces.
III. Interualla.
III. Species.
[-f.<9r>-] Complectuntur autem
modi [rhythmon kai lexin]: Rhythmus habet enunctiationem
interuallorum, sonorúmque
productionem et correptionem, quorum illa in eiusdem grauitate atque
acumine uocis, haec in temporis mensura numerorumque aequali
collection est posita. Adrastus haec tamquam principia dictionibus
comparat, nam ut hae syllabis et litteris constant, sic illa
phthongis tamquam litteris, et diastematis uti syllabis. Postremo
harmoniae perfecta ratio simul in unum coacta systema, dicitur
tetrachordo, et octochordon et his similia. [lexis] subjungit
syllabas, et uerba his sonis applicata ordinat, ut ad usum canendi
praecepta transferri queant. Nam Musica non solum speculationi uacat,
sed in opus ipsum erumpit, et specimen aliquod agendo exhibet. Est
enim ejus finis agere.
De Modulatione.
Quemadmodum igitur uniuersa in
corporibus humanis membra, diuersis inter se coniuncta modis, ad unum
corpus inclinant, unoque pariter funguntur officio: ita hoc etiam
loco enumerata de sonis, uocibus, diastematis ad [b 2 infra textum]
[-f.<9v>-] unum finem tamquam ad certum scopum referuntur. Qui
enim ex sonorum uocumque illorum diuersitate consurgit concentus,
[melos], ut Plutarchus in libro de Musica docet, appellatur, nos
modulationem uel melodiam appellamus.
Est autem melodia, dulcis uocum
conuenientia, ex diapason consonantia constituta, de qua Boëthius
suis uerbis: Ex diapason speciebus consonantiae existunt, qui
appellantur modi, quos eosdem [tropous] uel [tonous] nominant. Sunt
autem tropi constitutiones in totis uocum ordinibus, grauitate uel
acumine differentes. Consonantia uero est, plenum quasi mudulans
corpus, ex consonantiarum coniunctione consistens, quale est,
Diapason, Diapente, Diatessaron, uel disdiapason. Has igitur
constitutiones si quis totas faciat acutiores, uel in graius totas
remittat, secundum supra dictas diapason consonantiae species,
efficiet modos septem, quorum nomina haec sunt.
I. Hypodorius.
II. Hypophrygius.
II. Hypolydius.
IIII. Dorius.
V. Phrygius.
[-f.<10r>-] VI. Lydius.
VII. Mixolydius.
Horum uero sic ordo procedit. Sit in
diatonico genere uocum ordo dispositus à
[proslambanomene] in [nete hyperbolaion], atque hic sit Hypodorius
modus. Si quis [proslambanomenen] in acumen intendat [hypaten
hypaton] eodem tono attenuet, caeterasque tonorum omnes faciat
acutiores, acutior totus ordo proueniet quam fuit, priusquam toni
susciperet intensionem. Erit igitur totam constitutio acutior effecta
Hypophrygius modus. Quod si in Hypophrygio toni rursus intensionem
uoces acceperint, Hyp<o>lydij modulatio nascetur. At si
Hypolydium quis semitomium intendat, Dorium faciet. Et in alijs
quidem similis est in acumen, intensionemque processus. Quorum non ut
intelligentia solum ratione comprehendatur, uerum oculis quoque forma
possit agnosci, ab antiquis tradita Musicis descriptio supponenda
est. Sed quoniam per singulos modos à ueteribus Musicis unaquaeque
uox diuersis notulis insignita est, descriptio prius notularum esse
ponenda uidetur. Septem quidem praediximus esse modos, sed nihil
uideatur incongruum, quod octauus superannexus sit et caetera. [b 3
infra textum] [-f.<10v>-] Haec de usitatis modis Musicis
Boëthius. Dicuntur etiam tropi, Formae cantus, item Melodiae uel
consonantiae Musicae. Neque ueterum Musicorum de certo numero modorum
nota sententia est. Aristophanes et Cassiodorus 13. alij 14. nomina
modorum annotant, Glareanus 12. esse modos recentiorum exemplis
comprobat. Constat autem gentium uocabulis distinctos designatosque
esse. Quo enim unaquaeque gaudebat, pro morum rationem, eodem modus
dictus est nomine. Similitudo enim delectationem conciliat. Hinc nata
Phrigia modulatio, quae pugnas excitat, Dorica prudentiae et
castitatis amica, Aeolica animi tempestates sedat, Lydia haec, quae
intellectum obtusis acuere, Mixolydia illa, quae ad commiserationem
et suauitatem homines traducere dicitur. Martianus Capella 15.
modulaminum nomina ponit, quinque principales, quibus semper singulis
bini cohaerent, hoc modo.
Lydius
[hyperlydios]
[hypolydios]
Iastius
[hyperiastios]
[hypoiastios]
Aeolius [hyperaeolios]
[hypoaeloios]
[-f.<11r>-]
Phrigius [Hyperphrygios]
[Hypophrygios]
Dorius [Hyperdorios]
[Hypodorius]
De Systemate,
Clauibus, et
Uocibus.
Systema secundum
Franchinum est conglobatio uel congeries plurium sonorum, ex quo
omnis uarietas et ratio phthongorum et diastematum est discenda.
Septem uero sunt litterae, et sex syllabae uel uoces, ex quibus
musicales claues componuntur. Tot enim antiquioribus in usu fuisse
tantum constat, quae postea in tot Hexachorda excreuerunt. Ter autem
positae in systemate, in uniuersum 19. fiunt numero claues, quorum
primae, quia maiusculis litteris scribuntur, maiores appellantur,
subsequentes eadem ratione minutae, ultimae litterarum ratione
Geminatae. Aliae spacijs aliae lineis inhaerent, ut que similibus
constant litteris discerni possint.
Syllabae uel uoces
quae his subjciuntur litteris, sunt sex, ut, re, mi, fa, sol, la, eas
Guido Aretinus ita in ordinem disposuit, ut quaedam [b A. infra
textum] [-f.11v-] illarum unam, quaedam duas, nonnullae etiam tres
suscipiant uoces, singulàque perfecti ditonici systematis interualla
duabus clauibus, totidemque uocibus deffinuit.
In speciebus
diatessaron omnes ordine numerabis musicales uoces, si sumpseris
primam infimam cujúsque speciei ordine, et eodem modo supremam
deinde, ut in hoc exemplo.
[Figulus, De musica
practica, <11v>; text: Vt, re, mi, fa, sol, la.]
Cujusque cantilenae
systema haec quinque complectitur.
I. Parallelas.
II. Diastemata.
III. Claves.
IIII. Uoces.
V. Figuras.
Veterum chordarum
nomina et ordo diatonica dispositione.
[-f.<12r>-]
XV a [nete
hyperbolaion]
XIIII g [paranete
hyperblaion]
XIII f [trite
hyperbolaion]
XII e [nete
diezeugmenon]
XI d [paranete diezeugmenon]
X c [trite diezeugmenon]
IX [sbq] [paramese]
VIII a [mese]
VII G [likhanos meson]
VI F [parhypate meson]
V E [hypate meson]
IIII D [likhanos
hypaton]
III C [parhypate
hypaton]
II B [hypate
hypaton]
I A [Proslambanomene]
a 8
Tonus
G 9 Diapente
Diatessaron
D 12
Diapason.
A 16
Antiquitas
totam symphoniam in his consistendam duxit, atque hos tamquam
limites, quibus natura humanam uocem circumscripsit, obserbauit,
ultra si quis conetur uel intendere uel remittere uocem, non genuina
sed et coacta uox, et magis gannitus quam uox putatur. Vnde
prouerbium: [dis dia pason], pro maximo interuallo. [b 5 infra
textum]
[-f.<12v>-]
VII.
G sol re ut
VI. F
fa ut
V.
E la mi
IIII.
D sol re
III.
C fa ut
II.
[sbq] mi
I. A
re
Primus
ordo maiorum septem clauium, quarum infimae graues, sequentes 4.
finales nominantur.
XIIII.
g sol re ut
XIII. g
fa ut
XII.
e la mi
XI.
d sol re
X.
C sol fa ut
IX. [sbq]
mi
b fa
VIII. a la
mi re
Secundus
ordo minurum 7. clauium, ex quibus infimae 4. confinales, reliquae
acutae nominantur.
XIX. ee la
XVIII. dd la
sol
XVII. cc
XVI. [sbq]
[sbq] mi
bb fa
XV aa la
mi re
[-f.<13r>-]
Tertius ordo 5. geminatarum clauium, quae discretionis causa
geminatis scribuntur litteris.
[Figulus, De musica
practica, <13r>,1; text: Ordo Clauium. Extremae, MEDIAE,
[Gamma], A, B, C, D, E, F, , G, a, b, c, d, e, f, g, aa, b b, cc, dd,
ee]
Quatuor partes
canendi ex ordine clauium.
[Figulus, De musica
practica, <13r>,2; text: Discantus, Altus, Tenor, Bassus,
Mediae, Extremae]
Ordo Systematis.
Finis fff
Medium ccc
Initium [Gamma]Gg
[-f.<13v>-] De
Compositione Clauium.
Omnis clauis ex
littera et syllaba componitur. Litterae exquibus componuntur sunt
septem syllabarum accentus, uel, ut uocant, uoces musicales sex.
VII. litterae
clauium.
A B C D E F G.
His utuntur etiam
Mathematici, ad significandos dies, eorumque uicissitudines, et
sicuti spacium lunae dici ad sequentem proximum octiduum est, ita
spacium uocis de una littera ad similem octaua dicitur, per totum
ordinem litterarum.
[Figulus, De musica
practica, <13v>; text: VI. Syllabae accentus uel uoces. Mediae,
Extremae, Vt, re, mi, fa, sol, la.]
Exemplum mensis Maij
propositum V. Kalendis Iunij Anno LX.
[-f.<14r>-]
26 F Dominica
sexto 27 G Sabathi
quinto 28 A Veneris
quarto 29 B Iouis
tertio 30 C Mercuijs
pridie 31 D Martij
Kalendis 1 E Lunae
2 F Dominica
Porro
in omnibus instrumentis Musicis his litteris ad significandos sonos
utuntur, excepta testudine, ubi totus ordo litterarum pro septem
clauibus contra Musicam suppositus est, quarum aliae nunc mollem,
modo confuse tonum uel semitonium faciunt. Estque conjectura, aut
quendam phonaicum Musicae prorsus imperium simplices sonos tot
litteris implicuisse, aut quendam Histrionem, qui maluit inepti
aliquid proferre, quam artis rationem sequi, eius rei fabrum fuisse.
Systematum,
uocum, et clauium exemplum requiritur.
[Figulus, De musica
practica, <14r>; text: Fa, re, mi, ut, sol, dd, Altus]
[-f.<15r>-]
Bassus
Vt re sol ut a fauis
miscentur dulcia mella,
Sic miscet factis
blandula uerba Venus.
Vtere dum mitis
fauor est, dum sola laborum
Est requies
constans, nulla in amore fides.
Ex hox exemplum
ducent studiosi syllabarum et clauium usum, quae uel lineis, uel sine
lineis, suis interuallis proferri possunt. Inde etiam cognoscent, cum
nunc lineis inscribantur, cum antiquiores, teste Guidone et Bernone,
nec lineas, notas, nec uoces nouerint. Hae autem uoces et figurae
etsi perpetuo iunctae connexaéque sint, ut nec scribi nec percipi
sonus alterutra omissa possit, tamen quia haec numeris uocem, ut
Cicero ait, addit, illa uocis longitudinem emetitur, nollem confundi.
Harum alia, quae numeris uocem addit, Vocalis musica à uoce dicitur,
alia quia uocibus artificiosam dimensionem tribuit, à figura
figuralis denominatur.
De accidente
Systematis.
Systemati accidunt
claues, notae, et uoces. [-f.<15v>-] Et ex ordine clauium
quatuor fiunt systemata, quae partes canendi dicuntur. Ita Discantus
suum habet systema, ad quod aperiendum est clauis G sol re ut scripta
in linea: nam signatae omnes in linea ponuntur. Altus et Tenor
commune systema habent, posita C sol fa ut clauibus medijs. Bassus
extrema uox exteriores habet claues, signata posito F fa ut.
De Clauibus
signandis.
Ex numero clauium
antiqui duo signa habebant, quibus omnium uocum et clauium
diuersitatem cognoscebant. Primum linea glaucolore referta clauem
Csolfaut minorum, spacium uero Cfaut uel Ccsolfa significabant. Linea
rubore colore ducta Ffaut Maiorum, spacium uero clauem minorum
indicabat. Postaquam uero lineas omnes uno colore inciperent
scribere, claue Ffaut tribus notis, uel ipsa litera in linea posita
significabant. Sic Csolfaut, uel duabus notis, aut significatione
litterae notabant. Et has duas principales, alias minus principales,
b molle, et b durum nominabant. Nostri ejusmodi signatas uel
signandas claues [f.<16r>-] appellant, quia ante cantus
exordium signantur, ut aliarum fiat ex illis comprehensio quarum
quinque ponunt, ex quibus communiter, tribus tantum utuntur, f c g.
Duae sunt [sbq] et b, quas minus signatas nominant; quia rarius
signantur. Positae autem sub C et ejus similibus, cantus naturam et
proprietatem ostendunt. Vtuntur et his ad moderationem, et ad
significandas uoces fictas. B enim semper fa, et uocem mollem in
quacumque claue posita notat. Melodiarum alia est [synekhes] aut
[exangeltike] alia [diastematike], hae ex accentu et uocibus et tono
dijudicandae. Quaedam clauium et ordinationes sonorum duram efficiunt
melodiam, quaedam idem mollem, diuersa collocatione semitonis, quod
tamquam condimentum est uocum, inde cantus Durus et bmollis. Cantus
duri iudicium est absentia b rotundi sub c sol fa ut: in G sol re ut
semper ascendendo canit ut, descendendo sol. Mollis ab eadem minus
signata claue dicitur; et per ipsam cognoscitur: in F fa ut habet ut
ascendendo, descendendo fa. C infra textum]
[Figulus, De musica
practica, <16r>; text: Exercitium diastamatum et uocum
musicalium cantus [sbq] duralis. Discantus]
[-<f.17v>-]
[Figulus, De musica practica, <17v>; text: Aliud exercitium
diastematum. Discantus Bassus in [epidiapente], [hyperdiatessaron],
post unum, duo [signum]]
[-f.<18r>-] De
Uocum et clauium accidente.
Vocibus
accidit mutatio, clauibus transpositio. Cantus enim excedens sex
uoces, uel musicales syllabas, inferiores in superiores mutat. Est
autem mutatio uel ut alij uocant permutatio, unisona uariatio uocis,
permutantur enim syllabae tantum. Uox humana, quae in graue aut
acutum tendit, non mutatur. Fitque omnis mutatio ascendendo penes
syllabam re: descendendo penes la. Mutantur etiam nonnumquam propter
nimium cantus descensum [c 3 infra textum] [-f.<18v>-] uel
ascensum signandae claues et traspositionem nominum: quantum autem
clauis traducta, mutata, uel transposita eleuatur, tantum nota
sequens à suo loco deprimitur et quantum remititur clauis, tantum
nota intenditur. Unde triplex mutatio, uocum, clauium, et Cantus.
Cantus [sbq] durum
de mutatione.
[Figulus, De musica
practica, <18v>]
[-<f.19r>-] De
tonorum melodijs.
Melodiarum octo sunt
constitutiones, quas tonos nominant, qui ex diuerso sonorum
[-<f.19v>-] ordine et mediatione diapason componuntur, quorum
ij qui de numero impari, Autentici, qui de numero pari, plagales
dicuntur. Omnis autem tonus triplex.
Perfectus, Acutus,
Imperfectus,
Grauis,
Neutralis, Medius.
Cognitionis uero
melodiarum uel tonorum quatuor sunt notae: prima est repercussio, id
est, interuallum, quo maxima pars cantus est composita, et habet
omnis tonus suam repercussionem uel proprium interuallum. 2. est
ambitus, id est, omnes uoces, quae sunt inter primam et ultimam
notam. 3. est meta finalis, quae terminat melodiam, ut sunt quatuor
claues. 4. tropus, signum, uel seculorum amen, quod antiqui his
literis Euouae quibusdam notis subscriptis annotare solebant.
[Figulus, De musica
practica, <19v>; text: Finales claues quatuor. Melodia finiens
in, D, E, F, G, 1, 2, 3, 4, 5, 6, 7, 8, re, mi, fa, sol, transpositae
per diatessaron, diapente toni.]
[-f.<20r>-]
De Melodiarum
proprietatibus.
Primi toni melodia,
omnium jucundissima, hilaris, modesta, et grauis est: huic laudis et
modestiae uerba conueniunt: musici comparant soli, qui quemadumodum
cuncta suo calore conseruet foueatque, ita etiam animos et affectus
hominum ad modestiam, alacritatem excitat, curas et moerores remouet.
Secundi moesta,
humilis melodia est, continet uerba de amore, precatione aut quamuis
rei gemitus singulares habens.
Tertij melodia est
austera et indignans est, cui etiam increpationis et indignationis
uerba conueniunt. Hic comparatur secundum Ciceronem Marti, ut habet
Boëthius libro 1.
capitulo 17.
Quarti toni est
gemebunda, suauis, et humilis, habens aliquid commune cum secundi et
sexti tonorum melodijs, comparatur Mercurio, [Mercurij ante corr.]
secundum Ciceronem, quamuis de his omnibus aliter sentiat Boëthius.
Quinti toni est
delectabilis et jucunda melodia, habet aliquid commune cum primo et
secundo tono.
Sexti toni
lachrimosa et humilis non [c 5 infra textum] [f.<20v>-]
dissimilis secundo et quarto, mollis sane et jucunda, molliciem ac
jucunditatem efficit: in utrisque semitonium crebra deductio, quibus
inferiores quasi condimento utuntur.
Septimi toni
melodia est seuera, conenit cum tertij toni melodia. Hic tonus
ultimus est apud Boëthium,
qui ut antea diximus ex speciebus diapason septem tantum melodias
oriri demonstrat, secundum ordinem planetarum et corporum coelestium,
ut habet Plinius de musica syderum.
Melodia octaui toni
est placabilis et modesta, aliquid commune habens cum primi et quinti
tonorum melodijs: à
Boëthio adiectitius
dicitur, quo totam [dis dia pason] complet.
[Figulus, De musica
practica, <20v>: De Primo tono exemplum]
[-f.<23r>-]
De Musica figurali.
Figura quid?
Figura est character
indicans et demonstrans artificiosam in notis temporis mensuram. Nam
interualla exprimuntur per notulas, quarum aliae maioris, aliae
minoris quantitatis, aliae uocis, alliae silentij. Hinc figuralis
musica Graeci [khemata] appellant, quasi ornamenta sonorum et cantus,
quibusdam etiam placet appellari chromaticam. Singulae autem maiorum
duplicem assunnt dimensionem. Dimensionum numeri duo sunt, quasi
regulae longitudinis in uoce, de quibus Gellius. Binarius in duas
partes aequales diuidi potest. Inde notularum partes aequales, et
mensura notulas decremento uel incremento diuidens dualitate, binaria
uel imperfecta dicitur. ternarius in duas partes aequales diuidi non
potest. Inde [-f.<23v>-] notularum partes inequales, et mensura
notulas ternario numero diuidens, ternaria uel perfecta dicitur. Sunt
enim integra ex omni parte perfecta. Huius usus in notularum numeris:
in proportionibus tripla et sesquialtera, et in alijs graduum signis.
Sic phisica et Matematica corpora trina a dimensione perfecta
existentia mensurantur.
Quae igitur ternis
aequalibus partibus diuidens notulam, perfecta dicitur, ut est
musicorum sententia. Omne trinum perfectum, binum imperfectum. Haec
autem mensura ex numeris deducta, quantum ad numeros attinet,
aequalis est. Nam simili inter se constant numero. Perfecta enim
defertur perfectae: imperfecta defertur imperfectae. Quae autem ex
signorum proportionumque uarietate oritur, inaequalis mensura est,
quia in illa ternaria dimensio opponitur binariae, aut tres similes
inter se figurae aut pluribus deferuntur. Cur uero in ternarium
diuisa sint carmina [mele], uideatur Plutarchus Symposio 9. 7.
Accidunt praeterea notulis imperfectio, alteratio, augmentatio,
punctus, quorum aliud auget, alterum diminuit proprium notularum
quantitatem. sunt enim figurae, uoces, et alia, materia [-f.<24r>-]
cantus, numeri et dimensiones forma. Unde his uersiculi:
Materia harmoniae
diuersa figura notarum,
Forma, modus,
tempus, prolatio: namque figuris
Cantum signamus,
gradibus componimus illum.
De notulis Musicis.
Maxima est figura
quadrata, habens uirgulam in dextera ductam sursum uel deorsum, cujus
longitudo siperat latitudinem tribus partibus.
Longa est ejusdem
formae nota, ducens uirgulam sursum uel deorsum, cujus longitudini
dicunt latitudinem esse aequalem.
Breuis est forma
quadrata, in omnibus angulis aequalis, sine uirgula. Hujus medietas
noncupatur semibreuis. Ducta enim linea ab angulo opposito, duae
nascuntur semibreues. Nostri nunc eiusmodi pingunt, et praesertim
aulici phonasci, ad formam oui.
Minima dimidia pars
est semibreuis notae, ejusdemque figurae, nisi quod habeat ductam
uirgulam sursum uel deorsum. Antiquis [-f,<24v>-] dicta minima,
quia omnium fuit minima, et postrema. Reliquae tres à
nostris adjectae, dupla proportione mutuò
sese excipientes, et sicuti quantitas alia ex alia prouenit, ita ut
Poeta ait: Ex aliis alias reperit natura figuras.
[Figulus, De musica
practica, <24v>: text: Simplicium figurarum exemplum.
Discantus, Altus, Tenor. Bassus]
[-<f.26r>-] [d
3 infra textum]
[Figulus, De musica
practica, <26r>; text: Aliud simplicium figurarum sequitur
exercitium, tertia Vox.]
[-f.<28r>-]
[d. 5 infra textum]
[-f.<28v>-]
Dimensio Notularum
Mensurae Imperfectae ratione numeri Binrij.
[MX] Maxima duabus
longis
[L] Longa duabus
breuibus.
[B] Breuis duabus
semibreuibus.
[S] Semibreuis
duabus minimis.
Quatuor notae
minores numero binario perpetuo omnis mensurantur, exceptis
proportionibus, nulum proprium aut alium ordinem uel numerum habent.
Dimensio notularum
Mensurae perfectae ratione ternarij numeri
Maxima tribus
longis.
Longa tribus
breuibus.
Breuis tribus
semibreuibus.
Semibreuis tribus
minimis.
De notularum
compositione.
[-f.29r>-]
Componuntur inter se notae, et quantitatem pro uaria connexione
immutant. Obseruandum igitur omnem connexionem aut esse quadratam,
aut esse obliquam, caudatam aut non. In hac notularum alia est prima,
alia media, alia ultima.
De primis notulis,
incipientibus connexionem, quatuor regulae.
I.
Omnis prima,
obliqua uel quadrata, habens caudam in sinistra parte sursum,
semibreuis est, hoc modo
[Figulus, De musica
practica, <29r>,1]
II.
Omnis prima habens
caudam in sinistra parte deorsum, breuis est.
[Figulus, De musica
practica, <29r>,2]
III.
Omnis prima carens
cauda, et ascendens, breuis est
[Figulus, De musica
practica, <29r>,3]
[-f.<29v>-]
IIII.
Omnis prima carens
cauda, et descendens longa est.
[Figulus, De musica
practica, <29v>,1]
De medijs regula
una.
Mediarum quaelibet
breuis; exciptur connexio duarum semibreuium. Primarum, et ultimarum
una tantum, mediarum saepe plures
De ultimis regulae
duae.
I.
Omnis ultima cauda
carens, et ascendens, breuis est.
[Figulus, De musica
practica, <29v>,2]
II.
Omnis ultima cauda
carens, et descendens, longa est.
[Figulus, De musica
practica, <29v>,3]
Obliqua sempre
breuis est, ut typo sequenti, et exemplo demostratum est.
[-<f.30r>-]
[Figulus, De musica practica, <30r>,1: text: Primarum notularum
typus. Omnis nota prima, habens cauda, non, à
sinistris, dextris, Quadrata, obliqua, ascendens, descendens, est,
semibreuis, breuis, longa. Ultimarum, ultima, carens]
De medijs.
Omnis media breuis.
Excipitur connezio duarum semibreuium, quemadmodum in ultimis.
[Figulus, De musica
practica, <30r>,2; text: exemplum, DISCANTVS. Tenor. Bassus.]
[-f.<31v>-]
Figurae quae uocem
cohibendam monstrant, pausae dicuntur. Sunt autem ductus attingentes
lineas eorumque spatia. Eorum is qui tres lineas attingit, et duo
spatia, longae aequiualet: qui duas lineas; et duo spatia, breui
respondet. tantum temporis igitur omnis nota silere iubet, quantum
figura ipsius ualet.
De triplici pausarum
usu.
Pausarum usus est
triplex. Essentialis, Indicialis, et utroque modo. Pausa essentialis
est, quando silentium indicat, et tot partes notulae omittendas,
quantum ea [[capit]] cui par est, ualet. Indiciales, quando non
silentium, sed gradus alicujus signum refert, et tunc temporis
signum, circulum uel semicirculum antecedunt, ut duae longae
perfectae simul scriptae, illo dum majorem, [-f.<32r>-] una
minorem, duae semibreues pausae tempus, duo suspiria prolationum
designant. Utroque modo, quando aequiualentium notarum partes tum
omittendas, tum signi alicujus proprietatem in se habent, et tunc
clauibus et pausis postponuntur.
[Figulus, De musica
practica, <32r>; text: Exemplum de usu Pausarum, Discantus,
Altus, Tenor, Bassus] [e.2 infra textum]
[-f.<33v>-]
De Gradibus
notularum
Cum in numeros
distribuis figuras necesse fuerit, certos ordines pro diuerso
notularum ualore constituerunt Musici. Habet igitur quaelibet nota
starionem propriam, et certum locum, in quo si existit, perfecta, si
non, imperfecta dicitur. Gradus sunt tres.
[Figulus, De musica
practica, <33v>; text: Modus Perfectus. Imperfectus. tempus
Perfectum. Imperfectum. Prolatio Perfecta. Imperfecta.4, 2, 1, 8,
[signum]]
[-f.<34r>-]
De modo.
Modus est ordo
maximarum notularum, quarum duae Maxima et longa. Modus propter
locum, uel numerum, quem alijs inferioribus impertit, et communicat,
nuncupatur. Nam sicuti hic perfectus, et imperfectus, binario et
ternario numero emetitur notas, sic hunc alij sequuntur. Est autem
Methodus ipsa quam [analytiken] nominant, incipiens à
toto, et descendes ad extrema. Hic ordo cum sit duarum notarum,
duplex est, Maior, et Minor. Maior modus maximas, minor longas
considerat. Propter tarditatem raro maioris, exempla minoris plura
inueniuntur.
De tempore.
Tempus breuium
notularum ordo, et ipsae breues notae tempora uocantur. tempus
duplex, integrum, diminutum, perfectum, et imperfectum tempus.
Perfectum, breuis nota ualens tres [S] [S] [S]. Imperfectum, breuis
nota ualens duas [S] [S]. Hic ordo uel gradus omnium aliorum magis
usitatus.
[-f.<34v>-]
De Prolatione.
Prolatio postremus
semibreuium ordo, maior aut minor, à
proferendo dictus. Hic ordo notulas emetitur proportione geometirca.
Minimis enim uel postumis tardius aut celerius ad tactum ictumuè
prolatis, primum semibreues, deinde breues, tandem tempora, et modos
distinguit, ac rationum metiendi certamque quantitatem praescribit.
Sic omnis modi, temporis, et prolationis est nota
De
signis, et numeris
Signorum
alia sunt Graduum.
Figurarum.
Cantus.
Numerorum alius
est Binarius.
Ternarius.
Maior.
Minor.
De Graduum signis
[-f.<35r>]
Signa graduum sunt duplicia. Externa, quae in initio cantus signata
manifestè gradum [graduum
ante corr.] aliquem demonstrant. Interna, quae rectè
per notulas designatas gradum aliquem perfectum indicant. Tres longae
ordine denigratae, uel pausa attigens quinque lineas et quatuor
spatia, modi perfecti sunt signum. Tres breues denigratae, uel
pausarum duarum, semibreuium dispositio, à
linea in dimidium sparij aequaliter pendentes, temporis perfecti sunt
indicium. Eodem modo tres aut plures semibreues, aut duae semiminimae
pausae, prolationem perfectam indicant.
De
externorum signorum cognitione.
Signa
numeris signata in latere, modi sunt, quae ternarium habent
adjunctum, maiuris, quae binarium, minoris modi signa dicuntur.
Circulorum eodem modo, aius est integer, alius dimidius. Integer
perfectum, dimidius imperfectum modum indicat. De duobus uero numeris
hoc obseruandum. Ternarius qualicumque ascriptus signo, tempos
perfectum, binarius eadem ratione imperfectum indicat.
[-<f.35v>-]
Signa
modi.
[O3] Modus
maior perfectus.
[O2] Modus
minor perfectus. [imperfectus. ante corr.]
[C3] Modus
maior [[p]] imperfectus.
[C2] Modus
minor imperfectus.
De
tempore et prolatione.
Temporis
signa cognoscuntur per circulos et numeros, prolationis per puncta
circulis inscripta. Circulus integer, uel numerus [numerus ante
corr.] ternarius, nota est temporis perfecti. Circulus dimidius, uel
binarius numerus, tempus imperfectum designat. Punctus inscriptus
circulo, prolationis perfectae est indicium. Circulus integer, uel
dimidius, puncto carens, prolationem imperfectam indicat. Inde
constat, omnes ferè gradus in uno aliquo signo inueniri. Exempli
gratia, [O3] hoc est signum modi maioris perfecti, quia cyphra
circuli est apposita, temporis perfecti, quia ternarius numerus
ubique tempus perfectum indicat, prolationis imperfectae, quia
circulus puncto caret. Sic etiam de caeteris.
[-f.<36r>-]
Signa graduum
triplicia
Numeralia Modorum [O3].
[O2]. [C3]. [C2].
Circularia temporis [O].
[C]. [Orvd]. [Crvd].
Punctualia Prolationis
[Od]. [Cd]. [Ordvd]
Typus de graduum et
notularum signis
Modo
perfecto [O3] Maxima 3 longas ternarij
maiore
imperfecto [C3] 2
Modo
perfecto [O2] Longa 3 breues binarij
minore
imperfecto [C2] 2
ualet ratione numero
Tempore
perfecto [O] breuis 3 semibreues ternarij
imperfecto [C] 2
Prolatio
perfecta [Cd] semi- 3 minimas binarij
imperfecta
[Od] breuis 2
Modorum, temporum et
prolationum exemplum.
[e 5 infra textum]
[-f.<36v>-]
[Figulus, De musica practica, <36v>; text: Discantus. Altus.
Tenor. Bassus.
[-f.<39v>-]
De Exemplo.
Exempli usum paucis
declarabimus, quo facilius ordinem notarum, et signorum rationem
addiscant et intelligant adolescentes. Semper autem concurrunt, ut
dictum, uox et figura. Nam alterutra omissa, cantus scribi non
potest. Breuiter igitur repetamus praecepta de Uoce, idest, de Musica
Chorali, uel Uocali, et quae de figura, id est, de Musica figurali,
scitu erunt necessaria, clare explicabimus.
In hox exemplo
considerandum.
I. Systema quibus
clauibus signatum.
Musica II. Syllabae,
ubi permutandae.
Uocalis III. Notae,
quibus interuallis pronuntiandae.
IIII. Tonus,
qualis et quae melodia.
De Figura.
Musica I. Gradus,
et eorum signa.
Figuralis II. Signa
interna, et externa.
III Notularum
accidentia.
[-<f.40r>-]
De signis Graduum in
hoc exemplo.
Externorum signum
tribus partibus Discantus, Alto, et Bassus est praefixum, quod est
temporis perfecti signum diminutum, breuis nota perfecta, ualet
semibreues 3. estque ternarius hic ordo notularum. Prolatio in
temporis perfecto signo non apparet, in fine cum imperfecti temporis
signo in omnibus partibus accidit. Ibi tres minimae ad tactum
proportionatum proferuntur<.> Tenor due habet signa, internum,
et externum. Internum est pausa attingens quatuor spatia, et tres
lineas. Dicitur pausa modalis, quia modum indicat. Itaque
indicialiter posita tantum hoc loco. Externum est temporis diminuti
perfecti signum, expresse positum. Longa ualet tres breues, quia
modus est minor perfectus, breuis ualet tres [S],quia ut tempus
perfectum semibreuis ualet duas minimas, quia prolatio perfecti
temporis est imperfecta, usque ad imperfecti temporis et perfectae
prolationis signum.
De Accidentibus.
[-f,<40v>-]
Accidens dicitur, quod per se non subsistit, in alioque est
mutabiliter, ut hoc loco in temporibus notularum. sunt igitur
accidentia.
I Denigratio.
II Punctus.
III Imperfectio.
IIII Alteratio.
De notularum colore
uel denigratione et repletione.
Notularum aliae suo
jure implentur colore, ut sunt, semiminima, fusa, semifusa. Uerum
his, ut maximae, longae, breui, semibreui, color est accidens, de quo
hae sunt seruandae regulae.
I.
Color perfectis
notulis aufert tertiam parem, imperfectis quartam.
II.
Nonnumquam etiam
color notularum [hemiolion] proportionem indicat, quando scilicet
plures denigrantur notae, ualentque tres semibreues tactum
propòrtionatum.
[-<f.41r>-]
III.
Interdum etiam nihil
adimit notulis color, sed numerum ternarium integrum facit,
alterationem disturbat, tempus ab alio diuidit.
De Punctis.
Punctus est apex
adpositus, postpositus, uel interpositus notis, ipsas aut augens, aut
aliam ab alia diuidens. Triplex.
Additionis.
Punctus Perfectionis.
Diuisionis.
De Attitionis
puncto.
Punctus additionis
in gradibus et signis imperfectis tantum locum habet, notas auget.
Nam quaeuis, cui appositus fuerit, dimidia parte plus, quam absque
puncto ualuerat, ualet. Exempligratia, appositus longae, longa ualet
6. breui, tres.
De Perfectionis
puncto.
[-f.<41v>-]
Puncto perfectionis
modorum et signorum perfectorum, est additioni similis figura, nihil
addit notis, nec quisquam aufert, uerum saluas illa conseruat ab
imperfectione, ne tertia pars illis per sequentem minorem detrahatur.
De Diuisionis
puncto.
Punctus diuisionis
notulis interponitur, et unam ab alia distinguit, diuidens tempus à
tempore, modum à modo.
Perfectorum graduum tantum puntus.
De Imperfectione
notarum.
Nota maximam
minorem ter in se complectens, perfecta dicitur. Imperfectio est
notae partis tertiae detractio: imperficere notam, in duas partes
aequales diuidere. Imperfectio autem fit uel à
toto, uel à parte, à
fronte uel à tergo.
Estque haec regula inprimis tenenda, omnem notam auferre alteri
tantum quantum ipsa ualeat. Notae quae imperficiuntur, sunt quatuor
[-v.<42r>-]
Maxima [MX] Longa [L]
Breuis
[B] Semibreuis [S]
De Imperfectione
notarum typus.
Maxima
[MX] longa [O3] modo maiore
Longa
[L] Inmperficitur à breui [O2]
minore perfecto
Breuis
[B] semibreuis [O] tempore
Semibreuis
[S] minima [Od] prolatione
Regulae de
Imperfectione
I.
Omnes Imperfectio
fit per notam aut pausam minorem. Nam similis similem non
imperficit.[imperfecit ante corr.
II.
Imperfectio fit in
gradiubus perfectis tantum, tribus modis, per notam, pausam, aut
colorem.
[-f.<42v>-]
III.
Pausae imperficiunt
notas, sed non imperficiuntur.
IIII.
Duae pausae
semibreues in tempore, uel duae minimae in prolatione, sensim
positae, notam non imperficiuntur. [no perficiuntur. ante corr.]
De Alteratione.
Alteratio est notae
duplicatio. fit propter numeri ternarij constitutionem. Accidit in
gradibus perfectis, quoties duae uel tres minores maioribus
interponuntur. Alterabilium notarum quatuor, longa, breuis,
semibreuis, Minima. Alterantur notae, non pausae.
[-f.<43r>-]
De Alteratione
notularum.
Longa [O3] [MX]
[MX] [MX] [MX]
Breuis [O2] [L]
[B] [B] [L]
alteratur in
Semibreuis [O] [L]
[S] [S] [B]
Minima [Od] [S]
[M] [M] [S]
Punctus diuisionis,
et color notarum, alterationem tollit. Vt in exemplo. Cadit autem
alteratio non in primam, sed in secundam notam interpositam
minoribus. Alterationis duces sunt, numerus ternarius, color,
diuisionis punctus. siue duae aut plures fuerint alterabilium, his
indicibus facile dijudicantur. [F 4 infra textum]
[-f.<42v>-]
[Figulus, De musica practica, <42v>; text: Tenor.]
De Exemplo
Exemplum
esttemporis perfecti, et prolationis perfectae, signum externum
temporis diminutum uirgula. Diminutio est detractio ualoris dimidiae
partis, idem significans quod semiditas, nisi quod haec in perfectis,
illa in imperfectis signis contigat. Breuis perfecta in hoc ualet 3.
[[[B]<.>]] [B] [B] [B]. id est, tres semitactus. Si signum
esset perfectum, breuis ualeret 3. [B] [B] [B]. idest, tres integros,
uel sex dimidios tactus. [-f.<43r>-] Porro hic obseruandum
discrimen inter prolationem, et audmentationem. signum prolationis in
una tantum Cantus parte signatum, augmentationem indicat. Est autem
augmentatio notularum incrementum, quod ultra essentialem ualorem
notulis accedit. [[<.>t]] Et ualet in hoc signo, quod est
temporis perfecti, et prolationis perfectae, [Orvdd] Semibreuis nota
3. [M] [M] [M] minimas, idest, tres tactus. Nam quaelibet tactum
qualet. Uerum si hoc fuerit circa omnes cantilenae partes, ut in
sequenti exemplo, tum dicitur prolatio. Ibi tres minimae, uel
semibreuis perfecta ad tactum proportionatum refertur, id quod et
antea dictum est. Alterationis et imperfectionis regulas in primis in
hoc exemplo obseruabunt pueri.
[-f.<43v>-]
[Figulus, De musica practica, <43v>; text: Tenor. Discantus,
Altus, Bassus]
[-f.<44v>-]
Modi minoris
perfecti, temporis perfecti autmentationes perfectae Exemplum.
[Figulus, De musica
practica, <44v>]
De Exemplo.
Exemplo praescritum
est signum modi minoris perfecti, quod peculiare est longarum,
ostendit hunc inesse ordinem, ut quaeuis longa tribus breuibus sit
emetienda. Numerus hic obseruandus III. [B]. Uerum si bene examines,
inuenies numerum non constare [[S<i>]] Nam aut duas breues
deesse, aut superesse ultra numerum uidebis. Quod quidam, qui multa
de mensura et tactu hallucinatur, cum in suum libellum ex Listenio
hoc transtulerit, non deprehendit. Ego arbitror multos tales nec
obseruare, [-<f.45r>-] nec intelligere graduum rationem et
numerum. Sustulimus igitur eas, quas superesse notulas certum est,
adjunctis alijs uocibus in hunc modum.
De Canone.
Canon est imaginaria
praeceptio, expositis non positam cantinelae partem eliciens. Canone
utuntur necessitatis causa, ut in fugis, breuitatis cause, ut in
augmentatione, nonnumquam etiam tecte singulare aliquid canone
demonstrant, ut singuli milites lapillis instructi ducem sequantur
usque ad tenebras: In quatuor partes haec distinguere debes: exemplum
dedi uobis, ut quemadmodum ego feci, ita et uos faciatis: Quilibet
maneat in uocatione sua: Duo in carne una: Trinitatem in unitate:
Noctem in diem uertere, et id genus alij qui à
doctis, ingeniosis, et peritis Musicis excogitari possunt. Phonasci
qui Canon sit sciunt, quid CANON? Quis usus? Quae forma? Turpiter
ignorant. Idque ipse à
quodam homine Phonasco impudentissimo cognoui, qui paucis notulis
inscripserat (ut sese ostentaret) Canon quinque uocum. Haec
inscriptio cum talia, et reprehensione [-f.<45v>-] digna
iudicantur, mordicus ineptam arrogantiam ipse defendere, et moris sic
esse jactitans, se non artem, sed consuetudinem sui ordinis sequi.
Inde licet uidere illorum impudentiam, qui artem, quam non didicerint
umquam, profiteri non quicquam uerentur. Eodem die, qui erat 22 maij,
anni 59 opposui hoc exemplum Musico, Canone addito in hunc modum.
[Figulus, De musica
practica, <45v>,1; text: Fuga quinque uocum, Canon: in unisono
post 2 [Bd]]
[epi] quinta supra
uel intensa.
[diapente]
[hypo] quinta
infra uel remissa.
[-f.<46r>-]
[epi] supra intensa.
[diatessaron]
quarta uel
[hypo] infra remissa.
Crescit in duplu,
triplo, quadruplo, breuis sit longa, longa sit maxima, Et ejusmodi
regulae nonnunquam clauibus praeponi solent, quarum aliae gradus,
aliae certas proportiones indicant.
[Figulus, De musica
practica, <46r>; text: Exemplum.]
[-f.<46v>-]
De Proportionibus
Proportionum quaedam
ex genere multiplici in Musica practica sunt in usu, ut est dupla,
tripla, sexquialtera, de quibus suo loco ordine dicemus. Nunc
exemplum unum de tripla proportione subscibam. Nam haec prae caeteris
omnibus in cantionibus est frequentior. Est autem tripla proportio,
quando maior numerus notularum, ter minorem comprehendens, [[<..>]]
ipsi coaequatur. Signatur in cantu numerus his 1. ad 3. item his
modorum signis [O3]. [C3]. Nec dubium est, tactum quem proportionatum
uocant, ab hac tripla nomen habere. Porrò
in his proportionibus, tripla, sexquialtera, hemiola, imperficiuntur
et alterantur notae, ut graduum habent regulae.
[Figulus, De musica
practica, <46v>; text: Triplae proportionis Exemplum.]
Comments
Post a Comment